DECOCTORES

DECOCTORES

apud Athenienses olim infamiâ notati: Exlege Solonis, Ο῾ τὰ πατρῷα κατεδηδοκὼς, ἢ ὧ ἂν κληρονόμος γένηται, ἄτιμος ἔςτω, Decoctores pateernae aut alterius cuiusvis hoereditatis, ignominiosi sunto. Legem descripsit Diogen. Laert. in Solone, et Aeschines in Orat. c. Timarch. inter coeteros, quos orare Leges non sinebant, recenset εἰ τὰ πατρῶα κατεδηδοκῶς, ἢ ὧτἂν κληρονόμος γένηται. Sam. Petitus Comm. in LL. Atticas l. 5. tit. z. Orabant enim alias et suffragabantur in Contione omnes Athenienses, primo quidem seniores, deinde minores, pro aetatis uniuscuiusque ratione atque ordine, ab anno aetatis vicesimo, ex quo Lexiarchico fuerant inscripti: quo honore infamiâ notati atque inter hos, Decoctores, ex praedicta lege carebant. vide eundem Petitum Ibid. l. 3. tit. 1. Adrianus Caes. Decoctores, si suae auctoritatis essent, catomidiari in Amphiteatro et dimitti iussit, apud Spartian. vide ubi de hac poena. De iisdem Scaliger Poetic. l. 1. c. 21. Voluntarios decoctores, qui ganeâ; quive alea. aut scorto aut luxu rem fecissent deteviorem quique sese are obligassent, Atheniensium sequutus morem (Otho Trib. pl.) toto Theatro abstinere iussit. Qui vero non sponte decoxissent, certa iis loca attribuit. Adde vae dicta in Chrenecruda, ubi de Claves remittendi usu de servo decoctore, vide infra in voce Vespertilio.